Македонско име во светската мода: ЕЛЕНА ТРАЈАНОВСКА
петок, јануари 20, 2012
Елена Трајановска (11.12.1995) е уште едно македонско име во светската мода. Откако беше избрана на кастингот на модната агенција Woman во Милано, е дел од кампањите на познатите светски дизајнери D&G, Rocco Barocco, Chicca Lualdi BeeQueen, ALVIERO MARTINI 1st CLASS, JO NO FUI и уште многу други.
Минатата година се појави во неколку италијански магазини (Flair magazine, GLAMOUR magazine) и беше дел од Миланската модна недела. Исто така, се појави на страната на италијанскиот Vogue во Photo Vogue со фотографија од Скопје, направена од фотографот Виктор Наумовски.
Секако е дел и од домашните модни случувања. Зад себе веќе има проекти, ревии- Fashion Weekend Skopje (KOKEV – KADRIU, OVS, Mango) и неколку интересни едиторијали ( Unique и 1E Магазин).
Погледнете ги фотографиите во прилог, несомнено е дека пред Елена стојат уште многу успешни проекти со потпис од светски модни имиња.
Текстот го напиша Ana Jakimovska